Kandidati i ”Lëvizjes për Ndryshim”: Nëse bëhemi faktor pas zgjedhjeve, do shkojmë djathtas

Kandidati për deputet në radhët e “Lëvizjes për Ndryshim”, Robert Çitozi u shpreh në Euronews Albania se nëse kjo parti do të bëhej faktor pas zgjedhjeve të 25 prillit, do të pozicionoheshin djathtas.

Ai u shpreh se kjo situatë do të ishte një ekuacion shumë i vështirë.

“Ajo (Jozefina Topalli) ka thënë që nëse ‘mandati im do të vendoste, atëherë vota ime do të shkonte në të djathtë’, por kushtëzimi ka qenë jo me Bashën kryeministër. Ky është një ekuacion goxha i vështirë. Në politikë asnjë herë mos thuaj kurrë”, u shpreh zoti Çitozi.

Ai theksoi më tej se kjo parti do të bëjë betejën e saj në zgjedhjet e 25 prillit.

“Dua që të maksimalizojmë votat dhe do të jap kontributin tim”, shtoi ai më tej.