“Amnistia akt human”, Cakrani: Të përfitojnë edhe zyrtarët e dënuar për korrupsion

Avokati Kujtim Cakrani tha në emisionin Review në Euronews Albania se amnistia është akt human për çdo të dënuar dhe nga kjo nuk ka pse të përjashtohen zyrtarët e dënuar për korrupsion.

Sipas tij, nga kjo amnisti duhet të përfitojnë edhe subjektet që janë dënuar nga GJKKO nëse iu ka mbetur edhe 6 muaj burg.

“Çfarë problemi ka për njerëz që janë gjykuar nga gjykata speciale se janë kapur me ca rrënjë kanabis dhe janë gjykuar si grup kriminal. Nëse ai i dënuar për korrupsion ka bërë 2 ose 3 vite burg dhe i kanë mbetur edhe 6 muaj burg, çfarë problemi ka që ai të përfitojë? Derisa amnistia është akt human, atëherë ku hyn humanizmi këtu? Derisa kanë bërë 2 vjet, 2 vjet e gjysmë burg dhe u ka mbetur 6 muaj burg, atëherë ku është problemi që ai të përfitojë pjesën e mbetur të dënimit? Ky është i gjithë thelbi, nuk po themi të përjashtohen nga ndjekja penale”, tha avokati.

LEXONI GJITHASHTU:

• Logu: 3 arsyet pse zyrtarët nuk mund të përfitojnë nga amnistia
• Lapaj: Manja dhe Bardhi gënjyen, amnistia do lirojë zyrtarët e dënuar nga GJKKO