“Mu duk e rëndë të lexoja lajmin e vdekjes së Enver Hoxhës!”- Flet Agim Xheka

“Zëri” i Radio Tiranës Agim Xheka vjen me një rrëfim ekskluziv për jetën e tij në emisionin “Profil” në Euronews Albania.

Ai nisi punë në radio për herë të parë në moshën 14-vjeçare ku u njoh me figura si Vaçe Zela, Avni Mula, Reshat Arbana etj.

Për gazetaren Greta Topjana, Agim Xheka ka treguar se kur ndërroi jetë diktatori Enver Hoxha, ai u thirr që të lexonte lajmin e vdekjes së tij, gjë që nuk e bëri.

Ai tha se më herët ishte aktivizuar që të lexonte disa materiale që i dëgjonte Enver Hoxha nga rinia e tij, për të luftuar sklerozën. Ky shërbim indirekt sipas tij, që ai i bënte Enver Hoxhës, ia bënte të vështirë që të lexonte lajmin për vdekjen e diktatorit.

“Kur vdiq Enver Hoxha, më thirrën që unë të lexoja lajmin për vdekjen e tij, gjë që unë nuk e bëra. Sepse mua atëherë më aktivizuan që të lexoja disa materiale që i dëgjonte Enver Hoxha nga rinia e tij, për të luftuar sklerozën. Unë indirekt i shërbeja atij, më dukej e rëndë të lexoja lajmin për vdekjen e tij”, tha Xheka.

LEXONI GJITHASHTU:

• Gazetari Agim Xheka: Vidhja 2-3 qese sheqer që të haja bukë!
• “’Mjeshtër i madh’ me pension qesharak!”- Gazetari Agim Xheka tregon zhgënjimin