“Europa po vdes”- Gazetari zbërthen pikat kyçe të fjalimit të Macron

Presidenti i Francës, Emmanuel Macron, paralajmëroi se Evropa po përballet me një kërcënim ekzistencial nga agresioni rus, duke bërë thirrje që kontinenti të miratojë një strategji “të besueshme” të mbrojtjes dhe të varet më pak nga Shtetet e Bashkuara.

Ai e përshkroi sjelljen e Rusisë, pas nisjes së pushtimit të Ukrainës, si “të papërmbajtshme” dhe tha se më nuk është e qartë se ku janë “kufijtë” e Moskës.

Gazetari Selam Hajrizi në një lidhje të drejtpërdrejt për Euroneës Albania theksoi se çështjet kryesore të fjalimit të Macron ishin lufta në Ukrainë dhe sulmi i Iranit ndaj Izraelit.

Hajrizi mes tjerash theskoi se BE  duhet t’i rishikojë autonominë e saj strategjike, si dhe Europa duhet të jetë zotëruese e fatit të vet.

“Luftërat në Ukrainë, sulmi i Iranit ndaj Izraelit janë tema që Macron i theksoi në një fjalim të gjatë. Sipas presidentit, BE  duhet t’i rishikojë autonominë e saj strategjike, Europa duhet të jetë zotëruese e fatit të vet. Presidenti tha se në të kaluarën aji ka qenë shumë e varur  nga Moska për energjinë dhe nga SHBA për sigurinë. Macron tha se duhet të krijojmë një mbrojtje të besueshme për veten tonë. Europa nuk mund të jetë më një vassal i SHBA”-tha ai.

LEXONI GJITHASHTU: 

• Protestë te Bashkia Tiranë, qëllohet godina me molotov. Shoqërohen 2 persona
• Zvicra “del” nga neutraliteti, paketë ndihme prej 4.4 miliardë paundsh për Ukrainën