Një spanjolle në Shqipëri/ Studentja kryen praktikën në marketing

Për 3 muaj, Shqipëria do të jetë shtëpia e saj. Ana Haller ka ardhur nga Spanja, për të pasur një provojë ndryshe, në fushën ku ajo studion, marketing.

Si pjesë e shkëmbimit te studentëve shqiptarë me të huaj, 22-vjeçarja, ka zgjedhur Tiranën për të kryer praktikën.

“Punoj me departamentin e marketingut shikoj webin  për programin TNT dhe mundohem ti përmirësoj për sa i përket marketingut, gjithashtu merrem me Instagramin , kujdesem për dizajnin”-tha Ana Haller.

Për Shqipërinë nuk kishte dëgjuar shumë, por vendi ynë ja doli ta bëjë për vetë 22-vjeçaren.

“Në fillim isha nervoze dhe nuk dija çfarë të prisja, nuk e kisha vizituar më përpara, nuk dija kulturën gjuhën. Por deri tani jam shumë e lumtur, kam bërë miq jam e kënaqur dhe me punën që bëj këtu, edhe studentët programet janë të ngjashme. Klubet, aktivitetet për studentët ngjasojnë me Spanjën.

Shqipëria është një vend në zhvillim. Marketing është një fushë që vitet e fundit po merr një rëndësi të veçantë. Si një eksperte marketing e ardhshme, Ana ka disa këshilla për bizneset në vendin tonë.

“Të fokusohen tek lidhja me njerëzit, te mendojnë se për çfarë janë ata të interesuar. Mos të fokusohesh vetëm tek  paratë por tek njohja e klientit”

E ardhmja e saj nuk është Shqipëria, por pa diskutim që do të rikthehet madje si një kritike, për të sjellë përvojën e saj në fushën e marketing.

LEXONI GJITHASHTU: 

• Vitet e fundit të Michelangelo, një ekspozitë arti i evoluar i artistit të Rilindjes
• Autostrada u shemb papritur, 19 persona mbetën të vrarë në Kinë