Lëvizja e re politike “Mundësia”/ Shehaj: Më 1 qershor mbajmë konventen e parë

Deputeti Agron Shehaj ka komentuar sërish akuzat e bëra nga ministri Ulsi Manja në Kuvend.

Në një intervistë për Euronews Albania, ai theksoi se akuzat nuk i kanë bërë përshtypje duke theksuar se ua ka lënë në dorë qytetarëve që të dalin në konkluzion.

Mes tjerash ai foli dhe partinë e tij “Mundësia”, ku më 1 qershor do të jetë dhe Konventa e Parë e kësaj partie.

“Akuzat nuk më kanë bërë fare përshtypje dhe nuk besoj se ka ndonjë individ që mund të marrë për bazë këto shpifjet. Këto kanë alarmuar një pjesë të mediave të lira. Kjo është një idiotësi e pa bazë. Unë do ja lë qytetarëve që të dalin vetë në konkluzion, se me çfarë qeverie dhe individësh kemi të bëjmë.  Nuk jam penduar që i kam hyrë politikës, sigurisht është një vendim i vështirë, por e kam pasion politikën, e kam pasion  që të jap kontributin tim. “Mundësia” po shkon shumë mirë, më datën 1 qershor do të kemi Konventën e parë të Lëvizjes  së Partisë dhe është një rrugëtim i gjatë. Shohim përtej zgjedhjeve të ardhshme”-tha ai.

LEXONI GJITHASHTU: 

• “Krishti u Ngjall”/ Kryepiskopi Anastas Janullatos jep mesazhin e tij për Pashkët
• Xhepa: 90% e shqiptarëve mendojnë se të pasurit u bënë në mënyrë të pandershme