U gjet e mbytur në lumin Buna, policia: Nuk ka shenja dhune në trupin e 9-vjeçares

Policia e Shkodrës ka dhënë detaje lidhur me ngjarjen e rëndë të ndodhur në Shkodër ku shtetësja Alma Arrazi bashkë me 3 fëmijët e saj dyshohet se janë vetëmbytur në lumin Bunë.

Trupi i pajetë i vajzës 9-vjeçare është gjetur nga një peshkatar, ndërkohë që policia sqaron përmes një njoftimi për mediat se ndryshe nga çfarë ishte raportuar më herët nga këqyrja paraprake e trupit të miturës, në prani të ekspertit mjeko-ligjor, nuk janë konstatuar shenja dhune.

Policia ka arrestuar shtetasin Ergys Arrazi pasi ka ushtruar dhunë fizike dhe psikologjike ndaj bashkëshortes së tij, Alma Arrazi çka dyshohet se e ka shtyrë atë drejt vetëvrasjes bashkë me 3 fëmijët e saj të mitur, 9, 6 dhe 4 vjeç.

Polumbarët e RENEA-s vijojnë të kërkojnë në ujërat e lumit Buna për trupat e nënës dhe 2 fëmijëve të tjerë, të cilët sipas denoncimit të babait të tyre rezultonin të zhdukur prej 3 ditësh.

LEXONI GJITHASHTU:

• E rëndë në Shkodër, nëna me 3 fëmijë dyshohet të jetë mbytur në Drin, gjendet 1 trup
• Nëna dhe 3 fëmijët dyshohet se u vetëmbytën për shkak të dhunës, arrestohet burri