“Monumenti i Skënderbeut, më i madhi në Itali, 6 metra i lartë” – Flet arbëreshi

Sot më 6 maj përkujtohet përvjetori i lindjes së Skënderbeut. “Skënderbeu, heroi jonë” është një event historik që u organizua 2 ditë më parë nga komuna arbëreshe e San Basile ose Shen Vasili.

Në këtë qytezë arbëreshe u bë edhe inaugurimi i monumentit të heroit kombëtar shqiptar, Gjergj Kastrioti Skënderbeu, vepër e artistit të mirënjohur shqiptar Ardia Pepa. Monumenti në bronz, është punuar tërësisht në Shqipëri nga artisti dhe është një ndër veprat më origjinale të figurës së Skënderbeut.

Franco Calima Murani, arbëresh në Itali dhe sipërmarrës tregoi në emisionin GoodMorning Albanians në Euronews Albania se ai është monumenti më i madh në Itali i heroit kombëtar.

“Statuja që kemi vendosur në Shën Vasil është më e madhja në Itali, 6 metra e lartë, organizmi ishte shumë i mirë, çdo gjë shkoi mirë, jemi shumë të kënaqur. Ishte një festë e madhe, 2 mijë persona në një fshat të vogël, kemi mbushur gjithë sheshin, kemi pasur kryetarë bashkish, ministra, presidentin e Shqipërisë, jemi të kënaqur”, tha ai.

LEXONI GJITHASHTU:

• Begaj tur në Kalabri: Vizitia ime e parë e arriti diçka, Rai Calabria flet arbërisht
• Tre monumente të Skënderbeut inagurohen në Kalabri, i pranishëm presidenti Begaj