Ndahet nga jeta “El Flaco”, fitoi kupën e parë të botës si trajner

Futbolli argjentinas dhe jo vetëm është në zi, pasi trajneri që fitoi kampionatin e parë botëror nën drejtimin e albicelestëve.

Cesar Luis Menotti është ndarë nga jeta në moshën 85-vjeçare. Njeriu që shkroi historinë me këtë skuadër u raportua të jetë ndarë nga jeta të dielën, ndërsa lajmi më tej u konfirmua nga federata argjentinase e futbollit, më tej u përhap me shpejtësi në media.

“Federata Argjentinase e Futbollit shpreh me keqardhje dhe pikëllim të madh për vdekjen e César Luis Menottit, drejtor aktual i ekipeve kombëtare argjentinase dhe ish-trajner kampion bote. Lamtumirë i dashur Flaco!”, shkruhet në njoftim.

Menotti si futbollist arriti të fitonte trofe me Santosin dhe Boca Juniors, ndërsa ka luajtur edhe për skaudra të tjera, por arriti të linte më tepër gjurmë si trajner. Duke marrë drejtimin e kombëtares së tij në 1974-ën, iu deshën 4 vite për ta shpallur atë kampione bote, teksa më pas vijoi karrierën në Evropë, me skuadra si Barcelona e Atletico Madrid, por u rikthye sërish në Amerikën jugore.

Kujtojmë se si futbollist “Flaco” e nisi karrierën tek Rosario Central ku në 3 vite shënoi 47 gola, për të kaluar tek Racing Club, Boca Juniors, Neë York, Santos e në fund Club Atletico de Juventus.

LEXONI GJITHASHTU: 

• Datëlindja e Skënderbeut/ 5 monumente të reja në Europë në nder të Heroit Kombëtar
• Borrell: Izraeli të heqë dorë nga ofensiva e Rafahut, BE të veprojë për ta ndalur