Ambasadori rus: Stërvitja me armë bërthamore përgjigje ndaj retorikës perëndimore

Stërvitjet e ardhshme të armëve bërthamore të Rusisë janë një përgjigje e detyruar ndaj retorikës perëndimore, tha ambasadori rus në Uashington, Anatoly Antonov.

“Kjo është një masë e detyruar në përgjigje të politikës arrogante dhe agresive të Perëndimit kolektiv, e cila krijon kërcënime të papranueshme të sigurisë për Rusinë dhe qytetarët e saj”, tha Antonov, siç raporton RIA Novosti.

Ai shtoi se Shtetet e Bashkuara të Amerikës dhe aleatët e saj po furnizojnë Ukrainën me armë gjithnjë e më vdekjeprurëse që forcat ukrainase mund t’i përdorin për të kryer sulme në territorin rus.

Shtabi i Përgjithshëm i Forcave të Armatosura ruse ka filluar përgatitjet për stërvitjet në përdorimin e armëve bërthamore jostrategjike, njoftoi të hënën Ministria e Mbrojtjes e Rusisë. Manovrat do të zhvillohen në të ardhmen e afërt dhe do të përfshijnë si forcat ajrore ashtu edhe ato detare.

LEXONI GJITHASHTU:

• Medvedev: Rusia duhet t’i përgjigjet hyrjes së trupave perëndimore në Ukrainë
• Rusia sulmon rajonin e Ukrainës me dronë e artileri