“Ma thanë je e zezë, nuk të duam”, Nadireja me 3 fëmijë: Më paragjykonin kur punoja

Nadireja është një grua e cila i përket komuniteti rom. Ajo është nënë e 3 fëmijëve ndërsa ka rritur gjithashtu edhe nipin e saj. Duke folur për “Good Morning Albanians”, ajo tha se ka qenë shumë e vështirë për të të përballonte jetën vetëm pasi shpesh është paragjykuar.

Jetën e siguron duke mbledhur shishe dhe lëndë plastike. Ajo tha se e do shumë punën, e dikur ka punuar në pastrim, por është detyruar ta lërë pikërisht për faktin se e paragjykonin.

“Jemi 5, unë kam 3 fëmijë, kam nipin që e kam rritur vetë, jam edhe vetë.  E kam pasur shumë të vështirë për punë. Unë kam qenë në punë dhe e dua punën. Kam qenë në punë pastrimi, e mora shumë me sportivitet. Çohesha që në 5 u bëja fëmijëve për të ngrënë, vishesha dhe prisja punëtorët në rrugë.

E ndërpreva se kishte shumë racizëm. Thoshin nuk e marr Nadirenë se është rome, se është e zezë. Mua ajo fjala më vriste jashtë mase. Ky bullizëm ndodhte edhe nga ata në punë, nga grupi që ishim bashkë. Unë qeshja, largohesha më vete. Ndihesha shumë keq por nuk e shfaqja. Unë e lash punën vetëm nga kjo se më vriste fjala”,-tha Nadireja.

Ajo tha se edhe vajzat e saj kanë pasur vështirësi për të gjetur punë, ndonëse kurrë nuk i kanë bërë naze punës.

LEXONI GJITHASHTU:

• “Duan pastruese por jo rome” – Avokati tregon rastin e biznesit në Elbasan…
• Mjekja: 2 ukrainaset mund të kenë vdekur në gjumë, pinë drogë me alkool