“I mora për t’i mbrojtur”, 40-vjeçari mbante peng fëmijët, gruaja me urdhër-mbrojtje

Një ngjarje e rëndë ka ndodhur në Durrës, pranë zonës së njohur si Shkëmbi i Kavajaës ku 40-vjeçari Aleks Marku mbante peng prej disa orësh dy fëmijët e tij të mitur 6 dhe 11 vjeç.

Dyshohet se Aleks Makur ka qëlluar disa herë me armë zjarri kallashnikov, para se policia të arrinte në vendngjarje, e më pas ai ka qëlluar edhe në drejtim të tyre. Kanë qenë negociatorët nga forcat RENEA ata të cilët kanë arritur ta bindin 40-vjeçarin të dorëzohet. ende nuk dihen shumë informacione se çfarë e ka shkaktuar këtë ngjarje tronditëse.

Sipas infromacioneve të siguruara nga gazetari i Euronews Albania, Eni Ferhati, vetë i arrestuari është shprehur në deklarimet e tij të para se i ka marre fëmijët për t’i mbrojtur. Ndërkohë po verifikohet nëse ka patur konflikte me bashkëshorten.

Sipas burimeve bashkëshortja e tij kthehej ditën e djeshme nga jashtë vendit ndërsa prej pak ditësh ai ishte zhvendosur ne zonën e Shkëmbit të Kavajës me 2 fëmijët e mitur.

Po sipas informacioneve paraprake të siguruara nga Euronews Albania, në të kaluarën gruaja e tij ka qenë e pajisur me urdhër-mbrojtje.

LEXONI GJITHASHTU:

• FOTO| Mbante peng fëmijët dhe qëllonte me kallashnikov, kush është 40-vjeçari
• Mbajti peng fëmijët dhe qëlloi me armë zjarri, forcat RENEA arrestojnë 40-vjeçarin