Ndërtimi i aksit Thumanë-Kashar/ Ballukut: Po punohet, do përfundojë me 30 qershor

Zëvendës kryeministrja, njëherësh Ministër i Infrastrukturës dhe Energjisë, Belinda Balluku inspektoi këtë të diel punimet në aksin Thumanë-Kashar.

Ministrja Balluku tha se po punohet me ritme të shpejta në mënyrë që aksi të hapet me 30 qershor, siç edhe është parashikuar. Sipas saj përfundimi i këtij aksi do të lehtësojë ndjeshëm qarkullimin e automjeteve.

Ministrja tha se bëhet fjalë për një autostradë të mbyllur, e kategorisë A, e cila ka hyrje dhe dalje të lidhura me mbikalime dhe nënkalime.

“Është autostradë e mbyllur, ka vetëm dalje dhe hyrje të lidhur me mbikalime dhe nënkalime. Nuk do të ketë dalje apo hyrje direkte, është e kategorisë A.”- tha ministrja Balluku.

Drejtuesi i kantierit tha se deri më tani janë asfaltuar 18 nga 23 km në total.

“Janë kompletuar edhe tapetat, momentalisht po bëjmë piketimin e pjesës së vijëzimit. Pjesa tjetër e punimeve ka përfunduar 100 për qind. Mendoj se jemi mjaftueshëm brenda programit në gjithë këtë zonë. Janë rreth 18 km kilometra të asfaltuara. Një pjesë e madhe është kompletuar edhe me shtresën e fundit të tapetit”,-tha ai.

LEXONI GJITHASHTU:

• Balluku inspekton kantierin e lotit 4, të aksit rrugor Elbasan-Qafë Thanë
• Balluku: KKDM të ketë rol më aktiv te digat! Kaskada e Drinit, kryevepër arti