Finalja e Europa League: Leverkusen drejt rekordit, Atalanta kërkon historinë

Europa League zbulon mbrëmjen e së mërkurës kampionin e sezonit, aty ku dy ekipet më të mira përballen me njëra-tjetrën. Njëra kërkon trofeun e parë të sezonit, pasi humbi në finalen e kupës së Italisë, bëhet fjalë për Atalantën. Në anën tjetër të pamposhturit e Xabi Alonsos i kanë sytë vetëm tek tripleta, por për ta plotësuar, u duhet të fitojnë dhe Europa League, e më pas kupën e Gjermanisë.

Sezoni për të dyja ka qenë i mrekullueshëm, një sezon për t’u mbajtur mend, aspirinat plot 51 ndeshje pa humbje, një rekord në Gjermani duke fituar kampionatin pa asnjë disfatë, ndërsa do të munden të vendosin rekordin personal dhe në Evropë. Atalanta ishte e pafat në finalen e kupës së Italisë ku u mposht nga Juventus, por Gasperini kërkon me patjetër një trofe. De Roon e Kolasinac shqetësojnë teknikun pasi do të mungojnë, ndërsa në anën tjetët tekniku Alonso ka grupin e plotë të gatshëm.

Atalanta e Leverkusen janë përballur në të shkuarën vetëm 2 herë në Europa League, ku të dyja sfidat u fituan nga bergamaskët në 2022-in, 3-2 në shtëpi e minimalisht në transfertë. Mbrëmjen e sotme favoritë cilësohen gjermanët, por në një finale, asnjëherë fitorja nuk është e sigurt.

LEXONI GJITHASHTU:

• Man City në historinë e Premier League, 4 tituj radhazi për të parën herë
• Si do të ishte renditja përfundimtare në Premiere League pa sistemin “VAR”