Si u kap kokaina në mjetin me targa angleze, kush janë të ndaluarit në Durrës

Një tjetër rast i tentativës për trafikim të drogave të forta është goditur nga Policia Kufitare e portit të Durrësit.

Shtatë pako me kokainë janë gjetur në një furgon mallrash, ndërsa dy persona janë arrestuar nga blutë e qytetit bregdetar.

Arjan Doçi, shoferi i furgonit dhe Mentor Çuni, pronari i furgonit kanë shkuar në portin e Durrësit për t’u nisur drejt Italisë.

Furgoni i mallrave me targa angleze kishte itinerar Shqipëri-Itali-Angli.

Bazuar në inteligjencën informative të siguruar nga strukturat hetimore të Policisë së Shtetit kanë kaluar për kontroll të detajuar në vijën e dytë, në dalje.

Nga kontrolli i imtësishëm shërbimet e Policisë gjetën të fshehura në pjesën e poshtme të sediljes, në një vend të fshehtë të krijuar për këtë qëllim, 7 pako të mbështjella me natriban, brenda të cilave kishte lëndë narkotike të dyshuar kokainë, me peshë totale 7 kilogramë e 300 gramë.

Në cilësinë e provës materiale u sekuestruan 7 kilogramë e 300 gramë lëndë narkotike kokainë, 4 celularë, fugoni, 3950 euro, 21 700 lekë, 150 korona suedeze dhe 60 franga.

Grupi hetimor vijin hetimet për identifikimin dhe kapjen e personave të tjerë të përfshirë në këtë veprimtari kriminale.

LEXONI GJITHASHTU:

• Emrat| U kapën me 7 kg kokainë në portin e Durrësit, arrestohen 2 persona
• Biznesmen në Shqipëri, kush është 54-vjeçari i kapur me 320 kg kokainë në Greqi