Poli i tretë opozitar? Dashamir Shehi: Bëhemi gati për t’u futur vetëm në zgjedhje

Dashamir Shehi dhe partia e tij LZHK po përgatiten që të futen në zgjedhje të vetëm dhe pa koalicionin tradicional me Partinë Demokratike.

Gjatë një konference për mediat, Shehi tha se kjo qasje e re e tij vjen në një moment kur situata me grupet e opozitës sa vjen dhe bëhet më e paqartë dhe nevojitet një alternativë ndryshe.

“Fatkeqësisht situata politike mund të jetë e influencuar edhe nga situata gjyqësore nga të dy palët. Kështu që në funksion të këtyre do e marrim pozicionin final kur të vijnë zgjedhjet. Ky është pozicioni jonë sot për sot. Ne mendoj se kemi nevojë që brenda opozitës gjithsekush të ndërtojë profilin e vetë”,-tha Dashamir Shehi, kryetar i LZHK.

Kryetari i Lëvizjes për Zhvillim Kombëtar foli me tonë shumë kritike për qasjen që opozita ka treguar në raport me nismën antikorrupsion që maxhoranca socialiste ka prezantuar në Kuvend.

“Ne nuk jemi dakord me këtë, prandaj nuk e kemi votuar. Për ne është një dokument pa vlerë”,-tha Dashamir Shehi, kryetar i LZHK

Gjatë kësaj dalje, Shehi bëri thirrje edhe për zëra dhe aktorë të tjerë politik opozitar që ti bashkohen kësaj nisme.

LEXONI GJITHASHTU:

• “Shqipëria ka ndryshuar, më shumë se e meriton”, Shehi: Para 30 vjetësh vishesha…
• “Opozita s’është kristal”! Dash Shehi: Kemi ende ca burra që nuk janë përzierë te…