Italia zhgënjen ndaj Turqisë, Portugalia “poker” ndaj Finlandës

Testi i parë miqësor nuk ka shkuar siç duhet për Italinë, e cila ka zhgënjyer ndaj Turqisë në një 90 minutësh që nuk prodhoi fitues. Axurrët barazuan 0-0, por krahas rezultatit u vu re një lojë e dobët nga të besuarit e Spalletit. Kundërshtarët edhe pse me disa mungesa në fushë e vendosën në vështirësi Vicarion, duke qenë shumë pranë golit. Një sfidë nga e cila përfiton Shqipëria, në aspektin psikologjik duke besuar se mund të marrë një rezultat pozitiv në sfidën e parë të Euro 2024.

Italia nuk tregoi asgjë të re në këtë paraqitje, duke çalur në disa pozicione të fushës, por që me gjasa ekipi do të kolaudohet në europian. Në duelet e tjera të luajtura, Zvicra fitoi ndaj Estonisë, Portugalia ndaj Finlandës, sukses dhe për Austrinë e Irlandën. Pa CR7 në fushë luzitanët nuk e patën të vështirë të fitojnë ndaj Finlandës, duke i shënuar plot 4 herë. Dygolësh i Fernandes, Diaz e Jota ishin autorët e golave, për miqtë dopieta e Pukkit.

Shaqiri u kthye me gol në fitoren 4-0 të kombëtares zvicerane ndaj Estonisë, me Zuber, Amdouni e Elvedi që po ashtu gjetën rrugën e rrjetës.

LEXONI GJITHASHTU:

• Gjermania zhgënjen në miqësore, Anglia kalon “testin” e parë
• Shqipëria gati për miqësoren, Sylvinjo e Gjasula: Mund ta përballojmë Euro 2024