Turistët harxhojnë 85 euro/ditë, sollën 788 mln euro në janar-mars

Turistët që vijnë në vendin tonë shpenzojnë rreth 85 euro në ditë. Me këto shpenzime Shqipëria mbetet një vend i lirë, dhe një arsye e fortë që nxit turizmin masiv.

Në tre muajt e parë të vitit, turistët kanë sjellë në Shqipëri 788 milionë euro me rritje 28% rritje nga një vit më parë.

Vlerat monetare në rritje duket se vijnë në të njëjtin trend edhe me rritjen e numrit të vizitorëve, por çfarë po e bën kaq tërheqës vendin tonë në këtë periudhë.

Edhe operatorët turistikë e pranojnë bumin e vizitorëve të huaj, por thonë se përballen me turistë që shpenzojnë mesatarisht 85 euro në ditë, ndjeshëm më ulët se vendet e rajonit dhe mesatarja europiane.

Edhe shpenzimet e shqiptarëve për pushime jashtë shtetit u rritën në 521 milionë euro në tre muajt e parë të vitit, rreth 17% më shumë se vitin e kaluar.

LEXONI GJITHASHTU:

• Ishin bllokuar në kanionin e Langaricës në Përmet, shpëtohen 7 turistët e huaj
• Shtohen turistët në juglindje, marrëveshje me operatorët grekë