Gara peshkimit në Gramsh, profesionistët bëhen bashkë në liqenin e Banjës

Në liqenin piktoresk të Banjës në Gramsh, për të tretin vit me radhë, është zhvilluar Kupa e Shqipërisë në peshkim me tape. Ky kompeticion këtë sezon kishte më shumë nuance mbarë kombëtare, pasi shumë sportistë kishin ardhur nga Kosova.

Nën moton “Do iki për peshk” ky aktivitet ka si qëllim promovimin e peshkimit sportiv, por dhe promovimin e liqenit, natyrës ne vendin tone qe ne çdo stinë të vitit frekuentohet nga turiste vendas dhe te huaj. Pjesëmarrësit tregojnë sa vlerë kanë këto organizime, dhe sa vite kane që merren me peshkim.

“Merremi kryesisht me peshkime sportive për qejf për hobi për pasion. Është pasioni jonë e kam nis që fëmijë. Atëherë nuk kishim mundësi për pajisjet e peshkimit, ndërkohë që sot nuk mungon asgjë për fat të mirë. Mundohemi që të kënaqemi me këtë lloj sporti është shumë argëtues, ky peshkimi sotëm është peshkim me tap dhe aplikohet dhe ne lum dhe në det dhe liqen.”

“Këto tri vite ja kemi kaluar jashtëzakonisht mirë, mikpritja ka qene fantastike tipike shqiptare. Peshkimin e kam nis tash 50 vite, tani jam diku te 65 është një lloj meditimi dhe peshkimi koncentrohesh në një pikë dhe aty e kalon ter ditën. Shkarkohesh prej çdo lloj stresi e probleme te ndryshme. Ky është një peizazh i mrekullueshëm. ”

“Jam peshkatar që gjuaj rreth 32 vite, ma ka ngjit babai. Tani unë marr pjesë nëpër gara dhe të gjithë eventet që bën Federata e Peshkimit sportive, dhe jam një ndër garuesit që pretendoj këtë garë dhe te fitojmë ndonjë kampionat. Bashkë me babin më zgjonte që në 3 të mëngjesit çohu se na iku peshku dhe që nga ajo  kohë se kam lenë një ditë peshkimin. “

Pjesëmarrës ishin më shumë se 35 të pasionuar pas peshkimit, dhe  fitues i Kupës u shpall Osman Krasniqi, ndërsa vendin e dytë e zuri Bujar Krusha.

LEXONI GJITHASHTU:

• Shtohen të miturit në punë. Bizneset i përdorin gjatë verës për të shmangur taksat
• Ferrari, Lambo e Rolex, Prokuroria Fier i sekuestron një shtetasi 1.8 mln € pasuri