Kampionati Evropian i Basketbollit, ekipi kombëtar për femra përgatitje në Korçë

Ekipi kombëtar i basketbollit të femrave ka zgjedhur Korçën për të zhvilluar fazën përgatitore në prag të Kampionatit Europian të vendeve të vogla që do të zhvillohet pas pak ditësh në Prishtinë.

Trajneri i ekipit kombëtar Klaudjo Ndoja në përqindje të madhe përbërjen e ekipit e ka zgjedhur nga kampionati vendas ndërkohë që ka sjellë në skuadër edhe lojtare që luajnë jashtë vendit.

Kampionati shqiptar sipas Ndojës, është i përqendruar në tre ekipe, Partizani, Studenti dhe Flamurtari por sipas drejtuesit, federata në bashkëpunim me homologët italianë po bëjnë një punë të mirë në riorganizimin e ekipeve me një kujdes të shtuar të të gjitha ekipeve kombëtare.

Kapitenia e ekipit Ornela Lalaj tha se ardhja e basketbollisteve të huaja në kampionatin tonë i ka dhënë më shumë shtysë këtij kampionati.

Në Kampionatin Europian të vendeve të vogla marrin pjesë Qipro, Malta Kosova e Gjeorgjia që do të luajnë në grupin A. Dhe në grupin B Shqipëria Andora, Norvegjia dhe Armenia.