VIDEO| Aeroporti “Nënë Tereza” vishet kuqezi, tifozët nisin festën

Aeroporti ndërkombëtar i Tiranës u “vesh” me ngjyrat e flamurit kombëtar nga tifozët kuqezi të cilët po drejtohen drejt Gjermanisë për të ndjekur Kampionatin Europian.

Pamjet në aeroportin “Nënë Tereza” tregojnë tifozët të cilët kërcejnë, këndojnë teksa valëvisin flamurët kuqezi. Bashkë me tifozët, festës i janë bashkuar dhe turistë të huaj.

Rreth 50 mijë shqiptarë pritet të pushtojnë Gjermaninë për të ndjekur ndeshjen mes Shqipërisë dhe Italisë.

Shqipëria do ta nisë rrugëtimin e saj në Europian kundër kampionëve në fuqi të Europës të shtunën e 15 qershorit 2024 ndaj Italisë. Sfida do të luhet në orën 21:00, në stadiumin “BVB Stadion Dortmund”. Katër ditë më pas, më datë 19 qershor 2024 kuqezinjtë do të luajnë ndeshjen e dytë të Europianit kundër Kroacisë duke nisur nga ora 15:00, në stadiumin “Volksparkstadion Hamburg”.

Ndeshjen e fundit në Grupin B, Shqipëria do ta luajë ndaj Spanjës më datë 24 qershor 2024 në stadiumin “Dusseldorf Arena” në orën 21:00.

Më poshtë, edhe kalendari i plotë i ndeshjeve të Shqipërisë në finalet e Europianit “Gjermani 2024”:

• 15.06.2024 Itali vs Shqipëri, “ BVB Stadion Dortmund”, ora: 21:00
• 19.06.2024 – Kroaci vs Shqipëri, “Volksparkstadion Hamburg”, ora: 15:00
• 24.06.2024- Shqipëri vs Spanjë, “Düsseldorf Arena”, ora: 21:00

LEXO GJITHASHTU:

• Euro 2024| OBSH këshilla tifozëve: Kujdesi që duhet të tregoni në Gjermani
• Ministria e Jashtme jep njoftimin e rëndësishëm për tifozët që do ndjekin kombëtaren