“Ne i themi Damllaja”-Mjekja: Prek kryesisht njerëzit që punojnë në orët e drekës

Mjekja Aurora Dollenberg në një lidhje nga Gjermania për emisionin “Review” në Euronews Albania, apeloi qytetarët që të tregohen të kujdesshëm ndaj ekspozimit në temperatura të nxehta.

Dollenberg tha se disa nga problematikat kryesore që shkakton i nxehti është ulja e tensionit që çon deri në gjendje të fikëti dhe ajo që në gjuhën popullore quhet Damllaja dhe që shkaktohet kryesisht sipas saj, nga puna në temperatura të larta.

Sipas saj, shqiptarët e kanë pak zakon që të punojnë në drekë në temperatura të larta dhe të nxehtë ekstrem.

“Në Gjermani kemi temperaturë 22 gradë. Patjetër që në diell rritet rreziku edhe këtu në Gjermani për moshat mbi 65-vjeç dhe fëmijët. Një nga urgjencat më të shpeshta që na shkakton temperatura e lartë, është ulja e tensionit deri në kolaps. Pra rënia e të fiktit qysh e njohim.

Pacientët që kanë tension të ulët, pacientët përshembull që kanë tension të ulët, për shkak të çrregullimeve hormonale. Ka edhe nga ata pacientë shqiptarë që kanë qejf të punojnë në ato temperaturat e larta të drekës.

Ne në gjuhën popullore e quajmë Damllaja, nga ana mjekësore quhet shoku hipertermik. Kjo na ndodh rrallë për fat të mirë këtu në Gjermani, por në Shqipëri është pak traditë që nuk respektohet ai pushimi i drekës. Duke punuar në të nxehtë, temperatura e trupit është aq e lartë saqë trupi nuk arrin dot të aktivizojë mekanizmat e ftohjes”, tha Dollenberg.

LEXONI GJITHASHTU:

• Dyndje drejt plazhit nga temperaturat e larta, trafiku “paralizon” Vlorën
• Kriza klimatike në Greqi, nga temperatura ekstreme tek ciklonet/ Çfarë po e shkakton