Plagosën rëndë një shtetas në Mirditë, arrestohen 3 vëllezër

Tre vëllezër në Mirditë kanë rënë në prangat e Policisë, pasi rreth një vit më parë plagosën rëndë një shtetas duke e goditur me sende të forta.

Përmes një njoftimi Policia bën të ditur se bëhet fjalë për shtetasit E. M., 36 vjeç, M. M., 33 vjeç dhe L. M., 29 vjeç, banues në Thirrë, Mirditë.

Gjykata e Lezhës i ka caktuar këtyre shtetasve masën e sigurisë “Arrest në burg”, për veprën penale “Plagosja e rëndë me dashje, kryer në bashkëpunim”.

Njoftimi i Policisë:

DVP Lezhë/Në zbatim të masave të megaoperacionit “Sundimi i ligjit”, u finalizua operacioni policor i koduar “Brothers”.

Akuzohen se plagosën rëndë një shtetas, rreth 1 vit më parë, në Mirditë, duke e goditur atë me sende të forta, për motive të dobëta, kapen dhe vihen në pranga 3 shtetas (vëllezër).

Si rezultat i kontrolleve të ushtruara në zbatim të masave të hartuara në kuadër të megaoperacionit “Sundimi i ligjit”, për kapjen e shtetasve në kërkim, bazuar dhe në informacionet e siguruara nga inteligjenca policore, Sektori për Hetimin e Krimeve të Rënda i  DVP Lezhë, në bashkëpunim me Komisariatin e Policisë Mirditë dhe me FSK-në, finalizoi operacionin e koduar “Brothers”. Si rezultat i këtij operacioni u ndaluan shtetasit në kërkim:

1. M., 36 vjeç, M. M., 33 vjeç dhe L. M., 29 vjeç (vëllezër), banues në Thirrë, Mirditë.

Gjykata e Shkallës së Parë e Juridiksionit të Përgjithshëm Lezhë i ka caktuar këtyre shtetasve masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta shtetasin B. N., për motive të dobëta.

Materialet i kaluan Prokurorisë.

LEXONI GJITHASHTU:

• Konflikt në Korçë, plagoset 60-vjeçari, detajet e para
• EMRI| Aksident i rëndë në Durrës| Humb jetën 16-vjeçari, plagoset i riu