“90% të zjarreve vijnë nga bombulat e gazit”, Goxhaj: Mos përdorini ato të kampingut

Drejtori i shërbimit zjarrfikës Shkëlqim Goxhaj, i ftuar në Euronews Albania tha se shumica e zjarreve në kryeqytet ndodhin për shkak të shpërthimit të bombolave të gazit.

Goxhaj shpjegoi se shumë familje përdorin bombolat e kampingut gjatë për përdorim të përditshëm. Këto bombula sipas tij nuk janë krijuar që të përdoren për një kohë të gjatë ose ripërdoren.

“Në zonën e Tiranës, trendi i rasteve është i njëjtë gjatë gjithë vitit. Vetëm ditën e pardjeshme kemi pasur dy raste. Pavarësisht thirrjeve tona të herë pas hershme që bombolat e kampingut nuk duhet të përdoren në banesë qytetarët vazhdojnë ti përdorin në banesa. Janë difektoze, ato që janë portokalli janë bombula kampingu që qytetari duhet ta përdori shumë pak jo gjatë gjithë kohës dhe të rimbushet. Bombolat që duhet të përdorin qytetarët janë ato standardet 20 kg” tha Goxhaj.

LEXONI GJITHASHTU:

• Nutricionisti: Kam provuar mish të pagatuar, ka më shumë vlera ushqimore
• Gazetarja: Nëse futen ushqime nga jashtë në burgut, mund të futen dhe armë