“Bild”: Thomas Muller nuk do të luajë më për Gjermaninë

Thomas Muller nuk do të luajë më për kombëtaren gjermane, shkruan gazeta e njohur “Bild”. Në faqen e parë gazeta gjermane prezanton informacionin se sulmuesi 34-vjeçar i Bayernit ka vendosur përfundimisht që karrierën e tij ndërkombëtare ta mbyllë me Toni Kroos.

Kjo nuk është befasi, sepse vetë Muller, i zhgënjyer pas eliminimit nga Spanja në Shtutgart, e ka bërë të ditur.

“Realisht, ka mundësi që kjo të jetë ndeshja ime e fundit ndërkombëtare. Pas UEFA EURO, do të ulem me trajnerin Julian Nagelsmann, me të cilin kam një marrëdhënie konfidenciale dhe do të marr një vendim. Por siç thashë, realisht unë e kam mbyllur”, tha Muller.

Ai shënoi 45 gola në 131 ndeshje për Gjermaninë, fitoi Kupën e Botës në 2014. Ai donte edhe UEFA EURO-n, por “furia” dhe Mikel Merino i penguan me një gol në minutën e 119-të.

LEXONI GJITHASHTU:

• Gjermania dhe Zvicra janë dy çerekfinalistet e para në Euro2024
• Spanja finalistja e parë e Euro2024, në kërkim të kupës së 4 në Europian