Me kapuça dhe maska, “grupi i zjarrit” që po sulmon me molotov Kryeministrinë

Protestues të opozitës kanë sulmuar sërish me molotov Kryeministrinë gjatë kohës që kreu i PD po mban fjalimin e tij të gjatë.

Euronews Albania ka siguruar pamjen e disa prej personave që kanë qëlluar me bomba molotov drejt Kryeministrisë.

Ata shihen të maskuar me maska dhe kapuça të zinj, ndërsa në pjesën e parme të trupit mbajnë çanta të mbushura me shumë gjasa me bomba molotovi.

Sulmi me molotov ndaj godinës së qeverisë ndodhi intensivisht gjatë 5 minutave të para kur Berisha mori fjalën në protestë përmes një video-lidhjeje me “Zoom”.

Flakët e zjarrit u shuan menjëherë nga shërbimet e policisë të cilat qëndrojnë në gatishmëri.

Situata u normalizua brenda disa minutash. Sulmi me molotov u ndal nga protestuesit dhe nuk pati tentative të tjera prej tyre për të hequr gardhin metalik mbrojtës të vendosur nga forcat e rendit

LEXONI GJITHASHTU:

• Tensione në protestën e opozitës, qëllohet me bomba molotov Kryeministria
• Meta mban fjalën në protestë: Turp për ata që s’vijnë për të përmbysur hajdutët