Praktika dyfishe e mjekëve|Pacienti mund të zgjedhë mjekun dhe orarin që dëshiron

Autonomia spitalore ju ka mundësuar mjekëve në spitalin Memorial Fier të aplikojnë praktikën dyfishe, e cila ju mundëson që përtej orarit zyrtar të ofrojnë shërbimin e tyre për pacientët , por këtë herë kundrejt pagesës.

Arlinda Abazaj është mjeke neurologe e cila prej 5 muajsh ka hequr dorë nga dypunësimi dhe po punon vetëm brenda sistemit publik, duke zbatuar praktikën dyfishe.

“Zakonisht vijnë pacientë që nuk duan të ndjekin sistemin e referimit, pacienti ka të drejtë të zgjedh mjekun që dëshiron dhe orarin”-tha mjekja.

Kjo praktikë,  e cila ju jep mundësi pacientëve të vizitohen edhe pas orës 4 në sistemin publik, ju ka ardhur dhe në ndihmë mjekëve.

“Mjekët e shohin pozitive nismën  e praktikës dyfishe edhe në raport të rikthimit të besimit të pacientvë e tek mjeku kur ato marrin shërbim brenda sistemit publik edhe pse me një faturë.” –vazhdoi më tej Abazaj.

Pagesat për pacientët që zgjedhin të shmangin sistemin e referimit dhe radhën e pritjes, bëhen në recepsionin e spitali dhe janë mjekët ato që marrin 70% të kësaj pagesë ndërsa pjesa tjetër shkon si të ardhura dytësore për spitalin dhe që përdoren për investime.

LEXONI GJITHASHTU:

• Mjeku: Nuk mbaj “whatsapp”, pacienti më çoi 18 analiza me sms…
• ”Korsi preferenciale”, çfarë përmban ligji i ri për shërbimin spitalor