Reflektohet folklori dhe tradita, ekspozitë e artizanatit të drugdhendjes në Korçë

Muzeu Kombëtar i Artit Mesjetar hapi ekspozitën me punime në gdhendje druri, të një prej artizanëve më të njohur të Korçës.

Në këto punime reflektohet folklori dhe tradita, të cilat ndërthuren dhe me pasionet.

Kjo ekspozitë vjen në kuadër të projektit “Origjina dhe artizanati”, që ka për qëllim njohjen prej brezit të ri të trashëgimisë kulturore, si dhe përcjelljen ndër breza të punës së dorës e trashëgimisë popullore, në përgjithësi.

Të ftuar ishin fëmijë të moshave të ndryshme të cilët u njohën nga afër me punën e palodhur dhe me mënyrat e trajtimit të gdhendjes së drurit.

Drugdhendja është një nga traditat e hershme ndër shekuj në vendin tonë.

E përhapur në të gjithë Shqipërinë, prej kohëve të lashta, me specifikat e çdo vendi, gdhendja e drurit ka zënë gjithmonë një vend tepër të rëndësishëm në jetesën e popullit tonë, duke nisur nga objektet e nevojshme, të përdorimit të përditshëm, deri tek objekte e zbukurimit.

LEXONI GJITHASHTU:

• Bletaria tërheq turistët drejt Korçës, të huajt të interesuar për rritjen e bletëve
• EMRI| Goditi me çifte djalin e tij në gjoks, Gjykata e Korçës lë në burg 83-vjeçarin