Hungaria merr Presidencën e BE, Spiropali uron homologun hungarez Kövér

Kryetarja e Kuvendit, Elisa Spiropali, ka uruar Kryetarin e Parlamentit të Hungarisë, Kövér, me rastin e marrjes së Presidencës së BE-së.

Në letrën drejtuar homologut Kövér, pasi i shpreh urimet për përmbushjen me sukses të objektivave dhe prioriteteve të Presidencës Hungareze, Kryetarja Spiropali shpreh besimin se:

“Presidenca Hungareze do të kontribuojë për një Europë më të fortë, më të mbrojtur e më kohezive. Jam besimplotë se zgjerimi drejt Ballkanit Perëndimor, si një prioritet i Presidencës Hungareze, do të nxisë e përshpejtojë procesin e anëtarësimit të Shqipërisë në Bashkimin Europian.

Përfitoj nga ky rast për të shprehur mirënjohjen për mbështetjen e Asamblesë Kombëtare dhe të Qeverisë së Hungarisë të procesit të anëtarësimit të Shqipërisë në BE dhe shpreh bindjen se kjo mbështetje do të vazhdojë edhe gjatë Presidencës Hungareze dhe procesit të negociatave”.

LEXONI GJITHASHTU:

• Spiropali drejtuese e Kuvendit|Bardhi: Kreu i vërtetë, Rama! Kush ia dikton emërimet
• Rama nxjerr emrat: Spiropali në krye të Kuvendit, Çuçi nënkryetar dhe Peleshi…