A është vrarë Faton Hajrizi? Çfarë zbuloi ADN-ja

Gazetari Venhar Isufi tha në një lidhje direkte për Euronews Albania se tashmë është konfirmuar se personi i vrarë nga trupat policore serbë është Faton Hajrizi.

Ai tha se pas dërgimit të strishës me pështymën e nënës së Hajrizit, janë bërë të gjitha analizat e nevojshme të ADN-së të cilat tregojnë se trupi i cili ndodhet në morgun serb i takjon Faton Hajrizit.

Sipas gazetarit tashmë avokati i Fatonit i cili ndodhet në Serbi po merret me të gjitha detajet në mënyrë që shteti serb të lejojë kthimin e trupit të Hajrizit në Kosovë.

“Tashmë është konfirmuar se pas dhënies së strishës së pështymës së nënës së Faton Hajrizit, që u dorëzuan javën e kaluar pranë autoriteteve serbe, është konfirmuar tashmë se i vrari është Faton Hajrizi. Ai ndodhet në morgun e Serbisë.

Faton Hajrizi është vrarë dhe tashmë kjo është konfirmuar nga vetë avokati i tij, i cili tashmë po negocion në serbi që trupi i tij të arrijë sa më shpejtë në Kosovë. Unë shpresoj që ditët në vijim ai do të sillet në Kosovë sipas kërkesës që ka bërë edhe Ministria e Punëve të Jashtme dhe Diasporës”,-tha gazetari Isufi.

LEXONI GJITHASHTU:

• Misteri i trupit të Faton Hajrizit, avokati: Pse do kërkojmë ndihmën e Shqipërisë
• “Fatoni është gjallë…” Avokati tregon mesazhin që i mbërriti në telefon në Beograd