Turistët qëndrojnë më gjatë në Shqipëri, rritet numri i netë qëndrimeve

Turistët po shtojnë netët e qëndrimit në Shqipëri. Të dhënat e fundit të INSTAT tregojnë se në muajin Qershor, numri i net qëndrimeve nga jo-rezident është rritur me 35,5 % krahasuar me të njëjtën periudhë të një viti më parë. Po ashtu edhe numri i vizitorëve rezident është rritur me 18,4 %. Shumica e tyre kanë zgjedhur zonat bregdetare.

Rritje ka pasur dhe numri i vizitorëve, me 40.1% krahasuar me 2023.

Shumica e turistëve kanë preferuar të shtojnë qëndrimin e tyre në zonat bregdetare me 51.4%. megjithatë rritje ka pasur dhe në ato që janë akomoduar në Rajonin Qendër duke  shënuar rritje me 43,7 %.

Numri më i lartë i vizitorëve rezulton në hotele dhe struktura të ngjashme më afro 93 % pranë zonave bregdetare. Rajoni qëndror në tërësi ka pritur edhe më shumë vizitorë. Shtetasit nga Kosova kryesojnë në listën e vizitorëve me 12%, të ndjekur nga italianët me 9%, polakët me 8 %, gjermanët me 6%, Mbretëria e Bashkuar 4%.

LEXONI GJITHASHTU:

• Turistët harxhojnë karburant, konsumohet 381 mijë tonë naftë për 7 muaj
• Freskia e kanionit të Holtës, turistë të huaj e vendas eksplorojnë natyrën në Gramsh