Plagoset me thikë 34-vjeçari në Tiranë, në pranga një i ri

Një 34-vjeçar në Tiranë ka mbetur i plagosur me thikë në Tiranë pas një konflikti.

Përmes një njoftimi Policia bën të ditur se ai është plagosur nga një 25-vjeçar, i cili u arrestua.

Po ashtu bëhet me dije se 34-vjeçari momentalisht ndodhet në spital nën kujdesin e mjekëve.

Ndërkohë po vijon puna nga grupi hetimor për sqarimin e plotë të rrethanave të ngjarjes.

Njoftimi i Policisë:

Tiranë-Plagosi me mjet prerës një shtetas, për motive të dobëta, identifikohet dhe shoqërohet në komisariat autori i dyshuar.

Shërbimet e Komisariatit të Policisë Nr. 6 dhe ato të Forcës së Posaçme “Shqiponja”, pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore.

Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.

Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve.

Vijon puna nga grupi hetimor për sqarimin e rrethanave të ngjarjes.

LEXONI GJITHASHTU:

• Pogradec| Humb kontrollin dhe rrëzohet nga motori, plagoset një person
• Vetëdorëzohet efektivi Erjon Goxhara, plagosi me armën e shërbimit Lorenc Kostën