Vetëdorëzohet efektivi Erjon Goxhara, plagosi me armën e shërbimit Lorenc Kostën

Efektivi 46-vjeçar Erjon Goxhara, i cili të hënën ka qëlluar me armën e tij të shërbimit shtetasin Lorenc Kosta, është vetëdorëzuar ditën e sotme rreth orës 17:00 në Drejtorinë Vendore të Policisë Tiranë.

Goxhara është vetëdorëzuar, së bashku me armën e shërbimit me të cilën ka kryer veprën penale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Kujtomë që rreth orës 14:00 të datës 19 gusht, Erjon Goxhara,me detyrë punonjës policisë në Drejtorinë Vendore për Kufirin dhe Migracionin Tiranë, jashtë shërbimit, për motive të dobëta ka qëlluar disa herë me armë zjarri pistoletë në drejtim të shtetasit Lorenc Kosta, 45 banues në Tiranë, i cili si pasojë e të shtënave mori disa plagë në trup (bark dhe gjymtyrët e poshtme).

LEXONI GJITHASHTU:

• RENEA në ndjekje të efektivit Erjon Goxhara, 10 mijë € për këdo që jep informacion
• Sherri te Komuna e Parisit: 40-vjeçari u qëllua me thikë nga 2 adoleshentë