Fundjava sjell fluks në daljet nga Shqipëria në Kakavijë, 7231 persona në 24 orë

Dita e diel në doganën e Kakavijës ka regjistruar sërish një fluks të shtuar të këmbësorëve dhe automjeteve në daljet nga Shqipëria.

Sipas Policisë Kufitare në Gjirokastër gjatë 24-orëve të fundit janë përpunuar  11090  shtetas në hyrje – dalje, nga të cilët  3859  në hyrje dhe  7231  në dalje, si dhe  3443  mjete në hyrje – dalje, nga të cilat  1211  në hyrje dhe  2232  në dalje. Për shkak të fluksit të lartë të lëvizjes, kryesisht gjatë paradites, drejtuesve të mjeteve ju është dashur të presin në radhë për të udhëtuar në drejtim të shtetit grek.

Policia Kufitare në Kakavije por edhe dogana greke kanë punuar me numër më të lartë sportelesh për të evituar radhët e gjata në kufi. Fundi i muajit gusht përkon me kthimin e bashkatdhetarëve tanë në Greqi pasi kaluan pushimet në vendlindje, duke bërë që fluksi i lëvizjes në doganën e Kakavijës të vazhdojë jetë i lartë.

LEXONI GJITHASHTU:

• Fluks i lartë lëvizjeje në Kakavijë, hyjnë rreth 10 mijë qytetarë në 24-orë
• Kakavijë, vazhdon fluksi në kufi, shtohen sportelet e dokumenteve