Risitë e librave shkollorë falas, edhe për klasat e 8-9, prindërit: Janë ulur kostot

Ka nisur shpërndarja e teksteve shkollore, për më shumë se 238 mijë nxënës të arsimit bazë dhe të mesëm.

Risia e këtij viti është se përveç klasave të 1-4, edhe nxënësit e klasave të 8-9 do të marrin libra të rinj të papërdorur.

“Ka vazhduar nga klasa e parë, të dytë, të tretë, sivjet në të kartëtën, vitin tjetër në të pastën derisa të jenë libra të rinj. Sivjet është bërë përzgjedhja njëhërë në tre vjet”, tha Marjana, drejtoreshë e shkollës “Servete Maçi”.

Mirëmbajtja e librave shpeshherë nuk ka qënë në kushtet e duhura, ndaj në të tilla raste janë ndërruar me të rinj.

“Shumë pak mund të kem marr libra të reja, 2-3, ndoshta gjuhë, matematikë që mund të jetë konsumuar më shumë, pjesa tjerër ishte e mbajtur mirë. Dhe vetë mësuesit janë të kujdeshëm, duke i thënë mos bëni shënime të tepërta, për të mos i ngarkuar nxënësit që të mos rri të fshi librin në fund të vitit. Me raste të veçanta mund të kenë humbur libër…”, tha Marjana, drejtoreshë e shkollës “Servete Maçi”.

Çdo shkollë ka bërë një grafik, për të mundësuar shpërndarjen e librave, duke shmanguar radhët e gjata. Të parët që janë pajisur me libra janë më të vegjlit. Për prindërit, mundësimi i librave falas ka lehtësuar sado pak kostot e tyre.

“Na ndihmon patjetër, kam dy mbesa, kështu që ndihmë është ajo…i kemi dorëzuar dhe vitin që shkoi dhe i kemi mbajtur mirë”, tha një e moshuar.

“Nga ana financiare shumë, jemi të kënaqur dhe fëmijët kujdesen…kjo ishte pjesa më e vështirë, këto i kemi më të thjeshta”, tha një grua.

“I mbështjell librat ngaqë janë unifomë dhe mundohemi t’i mirëmbajmë dhe në fund të vitit duhet ta pagujamë nëse një libër është dëmtuar”, tha një vajzë.

Pjesë e skemës së librave falas janë dhe 12500 nxënës të kategorive të veçanta në arsimin e mesëm të lartë.

LEXONI GJITHASHTU:

• Nis shpërndarja e librave, kategoritë që i përfitojnë falas
• Tekste në gjuhën shqipe për fëmijët, 14 mijë libra nisen drejt diasporës