Gjykata e Fierit liron nga burgu Fredi Belerin

Gjykata e Fierit ka marrë këtë të hënë vendimin për lirimin nga burgu të eurodeputetit Fredi Beleri. Nëse Gjykata e Fierit nuk do të merrte vendimin për lirimin e Belerit këtë të hënë, ai do të vunate dënimin deri në mesin e tetorit. Me vendimin e marrë ai përfiton lirinë 6 javë më parë.

Ish-kryetari i zgjedhur i bashkisë së Himarës, ka qendruar në burg që prej 12 maj të vitit 2023, dy ditë para zgjedhjeve lokale. Ai u akuzua për korrupsion në zgjedhje.

Gazetari i Euronews Albania, Ardit Hoxha i cili ka ndjekur seancën në Gjykatën e Fierit ka dhënë më shumë detaje në një lidhje direkte:

“Vetëm pak minuta më parë Gjykata e Fierit ka pranuar kërkesën e avokatit për të vendosur lirimin me kusht të tij. Nga dita e sotme zoti Beleri mund të dalë nga qelia dhe do i drejtohet banesës së tij. Janë vetëm 6 javë të cilat i janë kursyer zotit Beleri”,-tha gazetari Hoxha.

Avokati i tij në një komunikim për meduiat e ka cilësuar këtë vendim si drejtësi të vonuar:

“Gjykata e pranoi kërkesën tonë, urdhëroi lirimin para kohë. I mbeteshin edhe 6 javë për të bërë. U lirua me kusht. nuk e shikoj si fitore, por ai pronari që ka çelësat e burgut e të kujtdo dha leje që të dali”,-tha avokati i Belerit.

LEXONI GJITHASHTU:

• Zgjedhjet për kryebashkiakun, Beleri mesazh nga burgu: Zemra ime është në Himarë
• Zgjedhjet në Himarë| Gjikuria: Do të zbatoj programin e Belerit, nuk i ndaj njerëzit