Durrës| Qëlloi me armë zjarri drejt 3 kushërinjve dhe fqinjit, arrestohet 50-vjeçari

Një 50-vjeçar në Durrës ka rënë në prangat e Policisë, pasi ka qëlluar me armë gjahu drejt 4 shtetasve me të cilët u konfliktua (3 kushërinjtë dhe fqinji i tij).

Përmes një njoftimi Policia bën të ditur se në cilësina e provës materiale u sekuestrua arma e gjahut.

Po ashtu bëhet e ditur se nga të shtënat janë dëmtuar lehtë 2 prej shtetasve të sulmuar, ndërkojë materialet procedurale i kaluan Prokurorisë, për veprime të mëtejshme.

Njoftimi i Policisë:

Durrës-Për motive të dobëta, u konfliktua me 4 shtetas (3 kushërinjtë dhe fqinji i tij) dhe qëlloi me armë gjahu drejt tyre, arrestohet 50-vjeçari.

Sekuestrohet arma e gjahut.

Specialistët e Seksionit për Hetimin e Krimeve të Stacionit të Policisë Manzë arrestuan në flagrancë shtetasin N. D., 50 vjeç, banues në fshatin Shkallë, pasi në mbrëmje, në rrugën e këtij fshati, është konfliktuar dhe ka qëlluar me armë gjahu çifte drejt kushërinjve të tij, 3 vëllezërve, shtetasve K. D., 23 vjeç, M. D., 29 vjeç dhe Z. D., 26 vjeç, të tre banues në fshatin Shkallë, dhe ndaj fqinjit të tij, shtetasit B. S., 41 vjeç. Nga të shtënat janë dëmtuar lënduar lehtë shtetasit M. D. dhe Z. D.

Arma e gjahut që dyshohet se ka përdorur 50-vjeçari, u sekuestrua në cilësinë e provës materiale.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Blinken: Sulmet e befasishme kërcënojnë bisedimet për armëpushim në Gazë
• Të shtënat me armë të dëgjuara pranë Donald Trump, merret në pyetje një person