Qëndrimi i Ramës ndaj dënimit të Salianjit, i përgjigjet Bardhi: Keqpërdor gjykatat!

Kreu i Grupit Parlamentar të Partisë Demokratike, Gazment Bardhi, ka reaguar pas qëndrimit të kryeministrit Edi Rama për dënimin e Ervin Salianjit me 1 vit burg për dosjen ‘Babale’.

Bardhi shprehet se Rama është i pafytyrë dhe frikacak që përdor gjykatat për të dënuar pa ligje e prova eksponentët e opozitës.

Po ashtu Bardhi shprehet se Rama është i vetmi kryeministër në botë që bëri deputetë e kryebashkiakë trafikantët e drogës, vrasësit e përdhunuesit.

Reagimi i Bardhit:

I paftyrë dhe frikacak! Të gënjen mendja se do trimërohesh duke keqpërdorur gjykatat për të “frikësuar” e dënuar pa ligj e prova opozitën.

Ti je Kryeministri i vetëm në botë që bërë Ministër të Brendshëm vëllain e një trafikanti të dënuar droge nga një vend i BE!

Ti je i vetmi Kryministër në botë që akuzohesh nga zëvendësi yt se ka një koordinator të posaçëm për marrëdhëniet me krimin e organizuar, i cili nesër pritet të emëroj Drejtorin e ri të Përgjithshëm të Policisë së Shtetit.

Ti je i vetmi Kryeministër në botë që ke vëllain të dyshuar si trafikant droge.

Ti je i vetmi Kryeministër në botë që të trimëron dhe të mban në pushtet krimi i organizuar.

Ti je i vetmi Kryeministër në botë që bëre deputet e kryebashkiak trafikant droge, vrasës e përdhunues.

Do mbetesh unik në historinë botërore për fundin e tmerrshëm dhe të afër që të pret!

LEXONI GJITHASHTU:

• Profil| Kush është Ervin Salianji: Nga ngjitja në politikë deri te dënimi me burg
• Dënimi me 1 vit burg i Salianjit, zbardhen detaje nga mbledhja e Grupit të PD