VIDEO| Nga djegia e karrigeve te deklaratat e forta, çfarë ndodhi në seancën plenare

Seanca plenare e kësaj të hëne siç ishte parashikuar nisi dhe përfundoi me tensione e përplasje të shumta. Deputetët e Partisë Demokratike që në nisje të seancës u mblodhën para foltores, duke bërë kështu bllokimin e saj në shenjë proteste.

Ata gjithashtu hodhën sende të forta në drejtim të kryeparlamentares Elisa Spiropali, e cila tentoi të vijonte seancën normalisht.

Protesta e deputetëve opozitar, duket se vijoi edhe në ambientet e jashtme ku ata u vunë zjarrin karrigeve të deputetëve.

Në mes të kësaj situate, socialisti Niko Peleshi kërkoi shtyrjen e seancës.

“E nderuar kryetare e seancës duke qenë se seanca nuk mund të vazhdojë në këtë mënyrë, kërkojmë një pushim”,-tha Niko Peleshi.

Kjo kërkesë u pranua nga kryeparlamentarja Spiropali, kështu seanca u mbyll në vetëm 13 minuta.

Partia Demokratike ka paralajmëruar se në 7 tetor do të nisë një protestë masive. Gazetari i Eruonews Albania, Ardit Hoxha tha se kjo protestë pritet të jetë e shtrirë në të gjitha rrugët e Tiranës, duke tentuar “paralizimin” e jetës në kryeqytet.

Reagime nga deputetët demokratë pati edhe pas përfundimit të seancës plenare:

“Rama kërcënon me burg këdo që denoncon lidhjet e maxhorancës me krimin. Edi Rama po vepron në mënyrë hakmarrëse. Ata që qeverisin sot janë të denjë për të vjedhur dhe qeverisur bandat e organizuar. Shqipëria nuk i meriton. Ne do i dalim Zot demokracisë. Nuk ka kompromis me mafien dhe krimin e organizuar që është në parlament. Ne kërkojmë qeveri teknike tha Flamur Noka.

“Meqënëse Edi Rama i ka vënë flakën Parlamentit, ne po i vendosim flakën karrigeve tona. Ne nuk jemi këtu për karriget tona, jemi për mbrojtjen e interest publik, që është shndërruar në rrezik për cilindo që denoncon lidhjet e Edi Ramës me krimine organizuar. E provoi kryetari i Partisë Demokratike, që është prej një viti në arrest shtëpie, për shkak se ka vendosur që të përballet me regjimin e Edi Ramës. I dyti ishte nënkryetari i grupit parlamentar të PD, denoncoi lidhjet e familjes Xhafaj me trafikun ndërkombëtar të narkotikëve dhe po e vuan dënimin prej 3 ditësh. Edi Rama ka djegur Parlamentin, ne dorëzojmë karriget tona, sepse nuk jemi për veten tonë por për qytetarët” –u shpreh Bardhi.

“Edi Rama ka djegur Shqipërinë, Kushtetutën, ka shitur Shqipërinë dhe s’ka asnjë lloj normaliteti me atë. Këtë pamje që patë sot do ta shihni çdo të hënë dhe çdo të enjteje”,-tha Dhurata Çupi.

“Rama ka djegur Kushtetutën. Janë futur në burg Berisha, Beleri dhe Salianji, janë të burgosur politik. Është çuar në burg një deputet me vullnetin politik të Ramës , jemi të vendosur që të mbrojmë Kushtetutën, kur këto padrejtësi i bëhen deputetëve dhe liderit të opozitës, shqiptarët sot janë të pambrojtur. Flaka do ti dal këtij sistemi nëse nuk respektohet rendi kushtetues”,-Ina Zhupa.

“Sot ne jemi të vendosur nga i pari tek i fudnit, duke lënë ndasitë, që çdo qytetarë, sot i ftoj që si sot një javë në orën 18:00 të jemi në Tiranë. Pika e fundit që derdhi gotën ishte burgimi për Ervin Salinjin, që po vuan dënim për një vepër penale të një kallëzimi që nuk ekziston. Këta kanë bërë një hakmarrje primitive, duke filluar nga Edi Rama, Fatmir Xhafaj e gjthë mazhoranca. Vendimin e GJK për zonjën Xhaçka nuk e ekzekutuan, kurse opozita vendosi që Salianji pavarësisht dënimit jo të drejtë të shkojë në burg. Ky është ndryshimi ynë, dhe jo propaganda që bën Rama dhe mazhoranca. Ne respektojmë të gjitha vendimet e GJK, pavarësisht se një pjesë e sistemit të drejtësisë janë kamzhikë të kësaj qeverie për të dënuar opozitën. Jam ibindur që qysh nga sot, do kemi përsëri kolegë tanë që do t’i çojnë para drejtësisë, do ti fabrikojnë prova për ti arrestuar. S’duhet të kemi frikë. Zjarri opozitar duhet të nisi sot,” –u shpreh Sula.

Ndonëse vuan dënimin në burg, nuk ka munguar as reagimi i Ervin Salianjit i cili shkruan në një status në Facebook:

LEXONI GJITHASHTU:

• Parlamenti në flakë! Bardhi: Do na kenë përballë, nuk na mbyllin dot gojën
• Kaos në Parlament, flet Dash Sula: Çfarë faji ka bërë Salianji, është hakmarrje