LISTA| KQZ gjobit disa nga kandidatët e 14 majit: Morën donacione të parregullta

Komisioni Qendror i Zgjedhjeve ka marrë masa ndaj disa kandidatëve të zgjedhjeve të 14 majit, duke i gjobitur për shkelje të rregullave lidhur me pranimin e donacioneve. Kreu i KQZ-së, Ilirjan Celibashi, theksoi se këta kandidatët kishin pranuar financime jashtë rregullave dhe jo nëpërmjet kanaleve bankare.

Ndër ata që u ndëshkuan janë:

• Arif Tafani, kryebashkiaku i Belshit, me 206 mijë lekë.
• Armando Subashi, kryebashkiaku i Fierit, me 138 mijë lekë.
• Emirjana Sako, kryebashkiakja e Durrësit, me 75 mijë lekë.
• Kreshnik Hajdari, kryebashkiaku i Kuçovës, me 500 mijë lekë.
• Majlinda Bufi, kryebashkiakja e Roskovecit, me 243 mijë lekë.
• Mariglen Dishe,  kryebashkiaku i Librazhdit, me 125 mijë lekë.
• Agron Malaj, kryebashkiaku i Burrelit, me 80 mijë lekë.
• Bukurosh Maçi, kryebashkiaku i Peqinit, me 70 mijë lekë.
• Albert Mlyshi, kryebashkiaku i Mirditës, me 300 mijë lekë.
• Bardh Spahia, kandidati i PD në Shkodër, me 445 mijë lekë.

Përveç individëve, subjektet politike si Partia Socialiste dhe Partia Demokratike janë gjobitur përkatësisht me 300 mijë lekë dhe 200 mijë lekë.

LEXONI GJITHASHTU:

• Fondet e zgjedhjeve lokale të 14 majit, KQZ kërkon gjobitjen e 11 partive
• Vota e emigrantëve, Celibashi: Nëse nuk plotësohet boshllëkun ligjor, s’ka votim