“Akt terrorist”, Tedi Blushi: Akuzat ndaj Ilir Metës të fabrikuara

Pas arrestimit të kreut të Partisë së Lirisë, Ilir Meta ka reaguar në një dalje për mediat edhe Sekretari i Përgjithshëm i këtij subjekti politik, Tedi Blushi.

Kyi  fundit e ka cilësuar arrestimin e Metës si një akt terrorist dhe është shprehur për mediat se provat ndaj këtij të fundit janë të fabrikuara.

“Kemi të bëjmë me një akt terrorist. Sigurisht të menduar. Kanë tentuar ta nxjerrin me forcë nga makina, persona të armatosur, terroristë pa u prezantuar. Do të marrin një përgjigje të pamëshirë. Asnjë akuzë nuk ekziston nga ato që fabrikon kjo strukturë terroriste në media. Përgjigjen këta terroristë, me në krye këtë fëlliqësirë do ta marrin.
Kemi të bëjmë me një akt të mirëfilltë terrorist, nga Bin Ladeni i drejtësisë shqiptare Altin Dum Dumani. Ato skena janë të pahijshme dhe sigurisht do të marrin ndëshkimin e shqiptarëve të ndershëm e patriotë”, tha Blushi.

Kreu i Partisë së Lirisë dhe ish-presidenti Ilir Meta u arrestua të hënën me urdhër të SPAK.

Meta është arrestuar nga agjentët e BKH dhe forca civile në hyrje të Tiranës teksa po lëvizte me mjetin e tij në drejtim të selisë ku kishte njoftuar konferencë.

Sipas informacioneve paraprake, ky arrestim lidhet me hetimet e zhvilluara prej disa kohësh nga SPAK për çështjen CEZ DIA për të cilën Meta është paraqitur 2 herë në SPAK. Lidhur me këtë dosje ka pasur edhe një hetim pasuror për të dhe ish-bashkëshorten e tij Monika Kryemadhi.

Lajmi për arrestimin e Metës është konfirmuar edhe nga kreu i PD, Sali Berisha në një deklaratë për mediat.

LEXONI GJITHASHTU:

• Romana Vlahutin reagon për arrestimin e Metës: Nuk ka të paprekshëm
• “Nuk kam dijeni”, reagon Monika Kryemadhi pas arrestimit të Metës