“Jam indinjuar nga SPAK”, Kryemadhi: Familjarët e mi u kërcënuan, u rrëmbyen…

Deputetja e Partisë së Lirisë, Monika Kryemadhi doli këtë të martë në një konferencë për mediat.

Ajo tha se është e indinjuar nga deklarata e bërë nga SPAK e cila sipas saj është në shkelje të procedurës penale për sekretin hetimor.

Ajo tha gjithashtu se në këto muaj hetimi ndaj saj, janë kërcënuar familjarë e miq të saj, madje sipas saj atyre u është kërkuar të bëjnë dëshmi të rreme.

“Indinjata ime dje erdhi pas deklaratës së SPAK. Ku kam menduar se për shkak të këtij ambienti mosbesues, ata do ishin korrekt në marrëdhënie me çështjen që ka të bëjë me Ilir Metën dhe Monika Kryemadhin. Sot kam dal këtu si monika kryemadhi jo si ish-bashkëshorte e Ilir Metës. Janë thirrur me qindra njerëz bashkëpunëtor dhe familjarë të mi.

Janë mbajtur me orë të tëra janë rrëmbyer nëpër aeroporte, janë zhveshur, të huaj e shqiptarë, janë intimiduar, janë kërcënuar e madje u është kërkuar të japin dëshmi të rreme.

Ne nuk kemi folur për shkak të sekretit hetimor dhe duke menduar që kjo do zgjidhej nga drejtësia. Deklarata e djeshme e SPAK ku fliste për pastrimin e parave, operacionet e Monika Kryemadhit, ka cënuar nenin 279 të kodit të procedurës penale për sekretin hetimor”, tha Monika Kryemadhi.

LEXONI GJITHASHTU:

• Kryemadhi flet për operacionet: I kam paguar të gjitha unë! Meta s’e di sa kushtuan
• Kryemadhi mbron publikisht Metën: Kush janë ata që e kapin ashtu