Bllokimi i rrugëve, nisin hetimet për Flamur Nokën dhe deputetët e opozitës

Policia e Tiranës ka nisur një hetim ndaj disa protestuesve dhe katër deputetëve të opozitës, përfshirë Flamur Nokën, Asllan Dogjanin, Albana Vokshin dhe Xhelal Mziun.

Deputetët dhe pjesëmarrësit e protestës po hetohen për dy akuza kryesore: “Organizim dhe pjesëmarrje në grumbullime dhe manifestime të paligjshme” dhe “Pengim i qarkullimit të mjeteve të transportit”.

Këto akuza lidhen me protestën e të 29 tetorit të opozitës, ku deputetët e Partisë Demokratike dhe Partisë së Lirisë, së bashku me mbështetësit e tyre bllokuan qarkullimin në 6 akse kryesore të vendit.

Protesta e opozitës u shtri nga ora 17:00 deri në orën 20:00, ku mbështetësit e tyre bllokuan autostradën “Tiranë–Durrës” pranë mbikalimit të Kamzës; “Durrës–Tiranë” pranë mbikalimit të Shkozetit; aksin “Kashar–Milot” pranë kryqëzimit të Milotit; autostradën “Elbasan–Tiranë” te rrethrrotullimi i Bradasheshit; aksin “Durrës–Fier” te rrethrrotullimi i Rrogozhinës; dhe “Levan–Tepelenë” te rrethrrotullimi i Levanit.

LEXONI GJITHASHTU:

• Noka fik makinën dhe bllokon rrugën: Zgjidhje politike për opozitën, ose nuk ndalemi
• “Ka vajtur ku s’mba më” – Opozita bllokon rrethrrotullimin e Levanit
• Trafik kilometrik në autostradën Tiranë-Durrës, bllokohet ambulanca