“I shqetësuar për pengmarrjen që ju bë Metës”, Jakaj hedh akuza ndaj SPAK

Besnik Jakaj sekretari për diasporën në Partinë e Lirisë ishte këtë të hënë i ftuar në “Now me Erla Mëhillin” në Euronews Albania ku tha se presidenti i Partisë së Lirisë, Ilir Meta ka treguar publikisht i ka sqaruar publikisht akuzat e hedhura nga SPAK.

Jakaj tha se është tërësisht i shqetësuar jo vetëm si përfaqësues i Partisë së lirisë, por edhe si qytetar për arrestimin nën imunitet të ish-presidentit të Republikës së Shqipërisë Ilir Meta, ndërsa hodhi edhe akuza se hetimet e SPAK, janë sipas tij “fletë-rrufe” të pabazuara kundër ish-presidentit.

“Ish-presidenti i republikës, e ka shteruar në sqarimet e tij publikisht çfarë ka paçavurja e prokurorisë speciale në dosjen e Presidentit të Lirisë. Ka ish kryeministra dhe ish-presidentë të tjerë të akuzuar, për shembull Trump ka mbi 40 akuza, por nuk është në arrest me burg, por është në një garë politike. Ndaj për partinë e lirisë, për qytetarët shqiptar të lirë e të pakapur, Presidenti i Partisë Së Lirisë, është i burgosur politik pra prova e fakte.

Një nga akuzat qesharake në atë fletë-rrufenë e SPAK-ut, është që është lobuar për një ligj, në kohën kur zoti Meta ishte kryetar Kuvendi, votat i ka Rama dhe për këtë akuzohet Meta. unë nuk mund të prononcohem për deklarata politike, por unë si përfaqësues i Partisë së lirisë dhe si qytetar I Shqipërisë për pengmarrjen që i është bërë ish-Presidentit. çfarë problemi do kishte që ish-presidenti i Shqipërisë, nën imunitet, duhet të jetë i arrestuar dhe i marr peng në atë formë?”-tha Jakaj.

LEXONI GJITHASHTU:

• “Meta u rrëmbye me dhunë”, PL-kreut të Policisë: Duam emrat e personave me maska
• Meta reagon nga burgu për negociatat me BE: Kryeministri i bllokoi për 1 dekadë