U përplasën fizikisht dhe 2 ditë më parë, detaje nga konflikti ku u vra 14-vjeçari

Detaje të reja janë zbardhur mbi ngjarjen tronditëse të vrasjes së një 14-vjeçari jashtë ambienteve të shkollës 9 vjeçare ‘Fan Noli’ në Tiranë.

Konflikti mes adoleshentëve ka nisur që prej një jave në rrjetet sociale, konflikt i cili u shkaktua për motive banale. Dy ditë më parë, autori i dyshuar dhe viktima, të dy të rinj, janë përballur me njëri-tjetrin, ndërsa ditën e sotme janë konfliktuar edhe gjatë kohës së pushimit të gjatë në shkollë.

Gjatë këtij momenti ka pasur ndërhyrje të oficerit të sigurisë së shkollës dhe për një kohë shumë të shkrutër është shuar dhe konflikti, duke e bërë kështu dhe ardhjen e policisë si të panevojshme.

Vetëm pak minuta ka zgjatur ndërprerja e zënkës së tyre kur një nga autorët e dyshuar ka lajmëruar shokët e tij nga një tjetër shkollë në Sauk të cilët kanë ardhur te shkolla “Fan Noli”. Të rinjt ishin në pritje të viktimës dhe të plagosurit ( shokë me njëri-tjetrin), që të përfundojnë mësimin duke ndodhur kështu dhe plagosja me thikë që shkaktoi humbjen e jetës së 14-vjeçarit dhe plagosjen e bashkëmoshatarit të tij.

LEXONI GJITHASHTU

• “Ulërima dhe fjalor i tmerrshëm”, banorja e zonës tregon në lot si u vra 14-vjeçari
• “Sherri nisi në rrjetet sociale”, gazetarja jep detaje mbi vrasjen e 14-vjeçarit