“Kam hyrë në luftëra ku nuk doja…” Ben Blushi përball vetes 20 dhe 80 vjeç

“Jam futur në luftëra ku nuk do doja të isha futur”, kështu tha Ben Blushi në “Interview nga Mirela Milori”, në Euronews Albania, ku u pyet se çfarë këshillash do ti jepte vetes së tij nëse do e takonte sërish 20 vjeç.

Blushi tha se në 30 vite ka marr vendime të nxituara të cilat i kanë kushtuar edhe miqësi ose e kanë futur në konflikte që mbase edhe mund të ishin shmangur. Megjithatë ai shprehet se të gjitha këto situata nuk mund të kthehen më pas dhe tashmë janë pjesë e jetës së tij.

“Unë kam qenë njeri shumë i rrëmbyer në këto 30 vitet e fundit dhe kam bërë shumë gjëra që ndoshta duhet ti kisha bërë pak më ndryshe. Kam marrë vendime shumë i nxituar që sot kur kthehem pas mendoj se mund ti kisha bërë më qetë. Kjo më ka kushtuar shumë miqësi për fat të keq dhe shumë konflikte, jam futur në shumë luftëra që nuk do doja të isha futur, por nuk kthehem dot pas. Ato janë pjesë e jetës sime”,-tha ai.

I pyetur se çdo donte ti thoshte Benit 80 vjeç, ai u përgjigj se projekti i tij tashmë është të shkruaj sa më shumë libra.

“Kur të jem 80 vjeç shpresoj të kem dyfish më shumë libra se ç’kam sot. Sot kam 10 botime, që janë pak për shkak se jam marrë me punë të tjera për të fituar jetën time. Jam marr me televizion, me politik, ato më kanë marrë shumë energji, më kanë larguar nga letërsia. Nëse do kisha mundësi të jetoja deri 80 vjeç vetëm duke shkruar libra do doja të kisha dy ose trefish më shumë libra nga ç’kam”,-tha Blushi.

LEXONI GJITHASHTU:

• Ben Blushi mes shkrimit të librave “profetikë” dhe fotografisë bardhë e zi
• “Zoti s’e bëri botën të lumtur dhe të drejtë”, ja kush do e bëjë sipas Ben Blushit