Qeveria e Kosovës: Kurti i gatshëm t’i mirëpres prokurorët në zyrën e vet

“Kryeministri Kurti ka shprehur gatishmërinë t’i mirëpres prokurorët e rastit në zyrën e tij në një ditë dhe orë të dakorduar nga të dy palët për të përmbushur kërkesën e dalë nga ftesa e prokurorisë”, tha zëdhënësi i Qeverisë, Përparim Kryeziu në një përgjigje për KosovaPress.

Kryeministri Kurti nuk u paraqit sot në Prokurorinë Speciale ku ishte i ftuar në cilësinë e dëshmitarit.

Nga zyra e kryeministrit thanë se ai është jashtë vendit në “një agjendë të konfirmuar kohë më parë”.

“Prokuroria Speciale, përkatësisht prokurorët e rastit janë njoftuar se për shkak që kryeministri është jashtë vendit me agjendë të konfirmuar kohë më parë, ai nuk mund të jetë i pranishëm sot sipas ftesës së prokurorisë. Megjithëkëtë, kryeministri Kurti ka shprehur gatishmërinë t’i mirëpres prokurorët e rastit në zyrën e tij në një ditë dhe orë të dakorduar nga të dy palët për të përmbushur kërkesën e dalë nga ftesa e prokurorisë”, tha Kryeziu më 16 dhjetor.

LEXONI GJITHASHTU:

Kurti nuk paraqitet në Prokurorinë Speciale

Kurti vizitë zyrtare në Kroaci, zbardhen marrëveshjet që pritet të nënshkruhen