47-vjeçari i futet të resë në banesë, vijojnë rastet e dhunës ndaj grave në Tiranë

Policia e Tiranës vijon të përballet me një shqetësim të madh ku në kryeqytet vijojnë denoncimet e grave për burrat që i dhunojnë.

Vetëm në 24 orët e fundit janë arrestuar 3 persona ndërsa një 47-vjeçar i është futur në banesë një të reje 24-vjeçare ku ka tentuar që ta ngacmojë.

Më poshtë të dhënat nga Policia e Tiranës për të gjitha rastet në 24 orëve të fundit

“Komisariati i Policisë Nr.6, arrestoi në flagrancë shtetasin F.M, 47 vjeç, pasi i ka hyrë në banesë dhe ka tentuar të ngacmojë një 24-vjeçare. Gjithashtu, gjatë kontrollit të banesës së shtetasit F.M, Polica gjeti dhe sekuestroi një armë e ftohtë”.

“Komisariati i Policisë Nr.2, arrestoi në flagrancë shtetasin M.S, 39 vjeç, pasi ka ushtruar dhunë fizike dhe psikologjike ndaj nënës së tij. Gjithashtu, gjatë kontrollit fizik të ushtruar, shërbimet e Policisë  i gjetën një sasi lënde narkotike kanabis, e cila u sekuestrua në cilësinë e provës materiale”.

“Komisariati i Policisë Nr.3, arrestoi në flagrancë shtetasin T.D, 55 vjeç, pasi ka ushtruar dhunë fizike dhe psikologjike ndaj bashkëshortes së tij”.

“Komisariati i Policisë Nr.4, arrestoi në flagrancë shtetasin E.H, 39 vjeç, pasi ka ushtruar dhunë fizike dhe psikologjike ndaj bashkëjetueses së tij”.

LEXONI GJITHASHTU:

• Policia procedon protestuesit e opozitës te Bashkia Tiranë: Bllokuan rrugën
• Kultivonte kanabis dhe dhunonte gruan, arrestohet 35-vjeçari në Poliçan