Dhuna ndaj të miturit, në kopshtin “Gledis” puna vijon me dyer të mbyllura

Babai i fëmijës që dyshohet se ka rënë pre e dhunës nga edukatorja në Kopshtin “Gledis”, Lorenc Rrapa, së bashku me gazetaren e Euronews Albania, kanë qëndruar para këtij institucioni privat për të kërkuar shpjegime, por askush nuk ka pranuar tu përgjigjet.

Pavarësisht zhurmës së madhe dhe senisbilizimit mediatik për këtë rast, puna në këtë  kopsht vazhdon ndërsa askush nuk i përgjigj thirrjeve për të hapur derën.

Në një deklaratë për Euronews Albania, Lorenci ka treguar se ka tentuar të bisedojë me administratorët e kopshtit, por ata nuk kanë pranuar të komunikojnë me të. Ai ka trokitur në deër me thirrjet: ‘Hapni derën o dhunues’,”.

Ai gjithashtu ka pulbikuar një video kur ka shkuar të filmojë pranë kopshtit, por ka hasur në pengesën e bashkëshortit të administratores që ka ndërhyrë për ta ndaluar.

“Kam vajtur për të kërkuar një prind tjetër dhe më ka rezultuar që edhe fëmija i tij është dhunuar. Ata nuk hapën derën dhe nuk dhanë asnjë shpjegim. I bëj thirrje edukatores Rudina që të dorëzohet”, – tha ai.

LEXONI GJITHASHTU:

• Dhuna nga edukatorja, flet babai i të miturit: Po kërkoj psikolog për djalin
• Proçedohet bashkëshorti i edukatores që dyshohet se keqtrajtoi të miturin