Alimehmeti: Shqipëria në mes të epidemisë, sezoni më i lehtë se në 2018

Shqipëria gjendet në mesin e epidemisë gripale, por fatmirësisht me pak raste të komplikuara. I këtij mendimi është epidemiologu Ilir Alimehmeti, i cili gjatë një intervistë për Euronews Albania thotë, se tashmë presim që rastet e reja të bien, por radhët e gjata te mjeku do ti kemi ende prezent.

 “Në fund të janarit fillim të shkurtit kemi këtë maksimumin e rasteve të infektimit, që do të thotë presim rënien e rasteve të të reja por ajo trajektorja e rasve më të rënda që është shumë më e ulët se vala e infektimeve, por që është e spostuar pak në kohë që do të thotë që presim akoma në spitale te mjekët të drejtohen shumë njerëz dhe rreth gjysmës së shkurtit bie dhe kjo valë situatash më të vështira”,-tha Ilir Alimehmeti, epidemiolog.

Ky sezon gripal  duket se është më i vështirë se ato në dy vitet e shkuara, për sa i takon numrit të infektimeve, por ai nuk është më i vështirë se sezonet para pandemisë.

“Nuk është se ka një shtam më virulent, apo një virus i ri  për të cilin nuk ka një imunitet dhe për këtë shohim  gjendjen spitalore dhe shoshim se nuk kemi ndryshim të madh nga një vit në tjetrin. Kemi patur para pandemisë, 17-18 një sezon të fortë, ky është më pak se ai kujtojmë që pandemia për 2 vjet e pothujse e zhduku gripin e uli shumë dhe pastaj kemi këtë rritjen graduale”,-tha Alimehmeti.

Referuar popullsisë që sa vjen dhe po moshohet, Alimehmeti thotë se nga një vit në tjetrin presim të kemi infektime më të mëdha.

LEXONI GJITHASHTU:

• OBSH: Shqipëria shpenzon për shëndetësinë 5 herë më pak se mesatarja europiane
• OBSH: Rritja e infeksioneve të frymëmarrjes në Kinë, brenda intervalit të pritshëm